Raporti i tyre ishte një nga më të komentuarit gjatë qëndrimit në shtëpinë e Big Brother VIP Kosova. Dy ish-banorët u përfolën vazhdimisht për një romancë të mundshme, pasi afërsia mes tyre nuk kaloi pa u vënë re nga publiku.
Edhe pse pas daljes nga formati nuk pati një konfirmim të qartë për lidhjen e tyre, duket se marrëdhënia mes dyshes mund të ketë vazhduar edhe jashtë shtëpisë.
Së fundmi, videot që ata kanë publikuar në TikTok kanë ngritur dyshime të reja tek ndjekësit. Në pamje, dy ish-banorët shihen në të njëjtin ambient shtëpie, duke ndarë momente të përditshme së bashku.
Detaje të vogla në videot e tyre kanë bërë që fansat të aludojnë se dyshja mund të kenë nisur bashkëjetesën, megjithatë deri më tani asnjëri prej tyre nuk e ka konfirmuar publikisht këtë.
