Situata e tensionuar në Big Brother VIP Kosova ka bërë që edhe familjarët të reagojnë për ngjarjet e fundit që trazuan shtëpinë. Babai i Elijonës, në një lidhje direkte në TikTok, ka folur hapur për përplasjet e vajzës së tij dhe masat e marra nga produksioni përmes zarfit të zi.
Ai u shfaq mjaft i prerë në mendimin e tij për Labinot Rexhën, duke thënë se sjelljet e këngëtarit kanë qenë jashtë çdo norme të parashikuar. Duke analizuar peshën e veprimeve të Labit brenda shtëpisë, ai u shpreh hapur: “Mos qofsha në lëkurën e tij”, duke aluduar në vështirësinë që artisti do të ketë për të riparuar imazhin pas daljes. Sipas tij, ballafaqimi me opinionin publik do të jetë i vështirë për shkak të situatave të rënda që janë krijuar gjatë ditëve të fundit.
Pavarësisht kritikave për lojën e të tjerëve, ai nuk la pa përmendur mbështetjen për rrugëtimin e vajzës së tij. Ai e cilësoi treshen Elijona-Londrim-Klodi si një nga grupet më të spikatura dhe më të bashkuara që ka pasur ky format deri më tani, duke i dhënë vulën e tij të miratimit kësaj aleance.
