Një situatë e tensionuar ka trazuar shtëpinë e Big Brother VIP Albania 5, teksa në rrjet po qarkullon një video ku shihet një përplasje e fortë mes Rogertit dhe Gimbos. Debati, që fillimisht duket se nis me fjalë dhe provokime, për pak sa nuk kalon në një moment edhe më të rëndë, duke bërë që publiku të reagojë menjëherë.
Sipas pamjeve që po shpërndahen, dy banorët përplasen ballë për ballë, ndërsa tensioni rritet nga sekonda në sekondë. Në një moment, gjestet e Rogertit janë interpretuar nga shumë ndjekës si tejkalim i limites – aq sa komentet online kanë “shpërthyer” me thirrje për ndëshkim dhe masa disiplinore.
Ajo që po e bën edhe më të nxehtë këtë histori është fjala që po qarkullon kudo: “Zarfi i Zi”. Shumë fansa po kërkojnë që produksioni të reagojë me një vendim të prerë, duke e konsideruar situatën si sjellje të papranueshme brenda formatit. Të tjerë, nga ana tjetër, pretendojnë se pamjet duhen parë me qetësi dhe se gjithçka mund të jetë një keqkuptim i momentit, i nxitur nga nervat dhe presioni i lojës.
Ndërkohë, brenda shtëpisë atmosfera raportohet se është e rënduar: banorët janë të ndarë në grupe, komentet nuk kanë të ndalur dhe çdo diskutim rreth kësaj ngjarjeje po e ndez edhe më shumë situatën. E gjithë vëmendja tani është te reagimi i Vëllait të Madh dhe nëse do të ketë një vendim që mund të ndryshojë rrjedhën e lojës.
📌 Videoja e momentit po qarkullon në rrjet – shikojeni dhe gjykoni vetë çfarë ndodhi!
