Situata mes Labinot Rexhës dhe produksionit të Big Brother VIP Kosova duket se po bëhet gjithnjë e më e tensionuar. Këngëtari ka publikuar në rrjete sociale një bisedë private (mesazh) me Olsën, ku flitet hapur për shuma parash, marrëveshje dhe “masa” në rast se nuk kthehen pagesat.
Në mesazhin që Labi ka ndarë me ndjekësit, Olsa shkruan:
“Po të them që i ke borxh 16.300€, nëse s’i kthen do marrim masa tjera.”
Ndërsa Labi i përgjigjet duke kundërshtuar dhe duke theksuar se mes tyre ka qenë kontratë dhe se, sipas tij, nuk janë respektuar të gjitha kushtet siç ishin rënë dakord:
“Ne kemi kontratë, kush do t’i paguaj ditët e humbura aty brenda? Edhe nuk i keni paguar si jemi marrë vesh. Më keni borxh ende edhe 2400€.”
Nga kjo bisedë kuptohet se palët kanë mospërputhje lidhur me pagesat dhe llogaritjet, ku njëra palë përmend një “borxh” prej 16.300€, ndërsa Labi pretendon se atij i detyrohen ende 2400€, duke përfshirë edhe “ditët e humbura” gjatë qëndrimit në shtëpi.
Publikimi i mesazheve ka ndezur menjëherë reagime në rrjet, ku fansat po kërkojnë sqarim të plotë se çfarë ndodhi realisht me pagesën e Labit dhe marrëveshjen e tij me produksionin.
Shënim: Ky lajm është përgatitur duke u bazuar vetëm në fotot e publikuara në rrjetet sociale dhe informacioni nuk është verifikuar ende zyrtarisht nga palët. Për këtë arsye, e lëmë hapësirën që të gjitha palët të japin versionin e tyre dhe të sqarohen detajet.
